Zner sut/
graner grass// Gran fred de zner/ impiss ca' e graner// In zner/ tera bianca la fa boun pan/ tera negra gnanc' un gran// Sòta la neva pan/ sòta l'acqua fam// Guardev da un bel zner/ che mers e avril i v'la fan pagher// Pòlvra de zner/ la carga al graner// Se zner al fa al pchée/ magg' l'è cundanée// Zner fa i pount/ Ferver li roump// In zner/ a s' impiss d' ov al puler// Quand a gira la bega de zner/ tin dacat al to pajer// Chi maza la pulga de zner/ al n' in maza un sintuner// Chi curr al prim dè d'l' ann/ al curr tutt l' ann// Chi magna uva per cav d'an/ al counta besi per tutt l'ann// Per l'ann nov/ un pè ed mansol// Per l'ann nov/ un pass ed bo// L' Epifania/ tutt al festi la s' porta via// Per Sant'Antoni/ n' ora tonda// (17 gennaio) Sant' Antoni da la berba bianca/ s' an piov la nev la n'manca// San' Antoni da la gran ferdura/ San Lureins da la gran calura/ l' un e l' eter
poc' i dura// Per San Bastian/ un pass d' un can// (20 gennaio) A San Bastian/ tutt el galeini i fann// Per Santa Agnesa/ la lusertla la va su per la sresa// (21 gennaio) Per Santa Agnesa/ a curr la lusertla per la seva// Per San Vinceins/ al giass al sbrega i deint// (22 gennaio) Per San Pevel/ un' ora in tèvla// (25 gennaio) Ed calend ed descalend a mi n' cur/ basta che al dè ed San Pèvel
a n' sia scur// San Zemian/ doo or ne g' fan// (31 gennaio) San Zemian/ la neva in man// San Zemian chega nev/ o cal la chega o cal la sfrega/su per l'uss o per la porta/ lo l'in vol fer una sporta//
FEBBRAIO
Fervarott curt curt/ l' è pes d' un turc'//
Quand ferver an fervaresa/ mers malpeinsa//
Neva a ferver/ festa in graner//
Ferver/ l'è ora ed pudér//
Chi vol d' aveina un graner/ al la semna in ferver//
Sa g'è al sol in d'la candleina/ l'è più al remèl
che la fareina// (2 febbraio)
Sa pìcia al sol per la seriola/ o ca neva o ca piova/ o ca tira la
sigajola// Tra piover o anver/ quaranta dè ed fred in n'in per mancher
Sa bat al sol in d'la candleina/ l' è n' eter inveren ca méina//
A San Bies/ la nev la g' pies// (3 febbraio)
Per Sant' Egada/ la terra l' arfieda// (5 febbraio)
Sa g' è nev a San Romueld/ in agost a farà cheld// (7 febbraio)
Per San Stein/ al cheld al vin fòra per un busanein// (15 febbraio)
Boun per San Simeoun/ boun per tutta la stagioun// (18 febbraio)
MARZO
Mers marsott/ lung' al dè come la nott//
In mers e in setember/ giorn e not i s' cuntenden//
Mers sutt/ gran per tutt//
La lùna marsuleina/ la fa naser l' insaladeina//
La neva marsuleina/ la vin la sira e la va via la mateina//
Mers sutt/ Avril bagnè/ al cuntadein l'è furtune//
Mers secc'/ avril bagnè/ furtunè chi ha semne//
Al veint ed mers/ l' acqua d'avril/ impisen al f'nil//
Mers tins/ avril dipins//
Zel marsulein/ al ruvina al cuntadein//
Chi g' ha un boun brucoun/ al la tègna per marsoun//
La nebia ed mers la fa dan/ quèla d' avril la tos al pan//
A mers/ chi n'g'ha al scherpi al va deschels//
Per San Benedett/ la rundaneina la torna al tett// (21 marzo)
Pianta seimper prìma ed San Benedett/ se t' piant dop t'avrè
i elber ( olmi ) secc'//
APRILE
L' acqua d' avril/ l' impniss al f'nil//
Quand avril al fa l' urtlan/ a vel più al sac' che al gran//
Avril al fa al fior/ magg' a g' da l' udor//
D' avril/ gnac' un fil//
Avril/ tutt i dè un baril/
Avril an te scuvrir/ fintant che al nespel a n'è fìuri//
Tin dacat al to vìsti/ fin che al nespel a n'è fìuri//
(il nespolo fiorisce in maggio )
In avril/ tutt al pegri a l' uvil//
La dmenga ed l' uliv/ ogni usel al fa al so nij//
In avril/ a vin fòra la vècia in dal curtil//
Avril/ al scherpi in dal fnil//
Ad avril/ met al foij anch' al mandegh dal badil//
Per Sant' Erman/ s' an piov inco a piov e'dman// (7 aprile)
Dal quindes al sèdes a canta al cucc/ s'le mut, l'è un ann brutt//
Chi vol d'la bouna galètta/ per San Giorg' la mètta// (23 aprile)
Per San Giorg' o nee/ o pog'//
Pasqua c' la vègna quan c' la voja/ la vin seimper cun 'na foja//
Pasqua: vinla elta/ vinla bàsa/ San Giorg' la n'al pàsa//
MAGGIO
Magg': l' è al mes di sumer e di muros//
Al guàsi ed magg'/ e al bel sol ed zugn'//
Magg' giardiner/ graner alzer//
Magg' fresch' e vèntos/ al fa al racolt rigoglios//
Al vilan ca l'dorm ed magg'/ al d'zouna in setember//
Dio t'in delibra da 'na fumana ed magg' e da un vilan arfatt //
Chi ha paura d'la fumana ed magg'/ a n' sa brisa al so vantagg'//
Sa piov al prim ed magg'/ Figh' e nòs i fan boun viagg'//
Sa piov per Santa Cròs/ a bughiss tutt el nos// (3 di maggio)
Sa piov per Santa Cros/ a manca i figh e al nòs//
D'l'acqua d'l'Asceina/ a s'in fà seinsa// (Ascensione: 40 giorno dopo
la Resurrezione)
Sa piov al gioren ed l' Ascensioun/ a piov quaranta gioren boun//
L' acqua d'l'Aseinsa/ fa perder la s'meinsa//
Per San Vitor/ al sol quind's or// (15 maggio)
Per San Bernardein/ ogni erba la fà fèin// (20 maggio)
Per San' Urban/ al frumeint' al s'è fatt gran// (25 maggio)
GIUGNO
Zugn/ con la msora im pùgn//
In zugn/
a s'med a pin pùgn//
Temporel
in zugn/ a-n' fà dan a nisun//
Al gioren e la not ed San Gerves/ l' è come la not e al gioren ed San
Tmes//
Sa piov per San Barnabà/ l' ua la s'in và// (11 giugno)
In dal gioren ed San Barnabà/ l' ua vin e al fior s' in và//
Per San Vit e San Mudest// l' è pès l'acqua ed la tempest//
(15 giugno)
Con l' acqua ed San Svann/ a va via al pùlghi e i pioc' pulein//
Per San Svann/ a vin al most' in d'l' ua// (24 giugno)
Per San Svann/ tajem al gamb//
Per San Svann/ al dè più lungh' ed l'ann//
L' acqua ed San Svann/ la guariss tutt i malann//
Chi coumpra i aij per San Svann/ l' armagn' puvrett per tutt l'ann//
S' t' vo che ai pagn' la terma la n' faga dann/ fagh ciaper la guaza ed Sa
Svann//
Per San Peder/ met'm a sèder// (29 giugno)
LUGLIO
A luj/ la tèra la buj//
Luj/ batuj//
A luj fa gran calura/ se a zner fa poca ferdura//
A Santa Madleina/ la nos l' è peina//
Per Santa Madleina/ a s' taja l' aveina//
Santa Madleina/ l' acqua la meina//
L' acqua ed San Jachem/ la fà i mirachel// (25 luglio)
L' acqua ed Sant' Ana/ la vel più che 'na mana//(26 agosto)
AGOSTO
Chi dorm d' agost/ dorm a so' cost'//
Agost/ la msora in dal poss//
La prìma acqua d'agost/ la porta via un sac' ed mosch'//
In agost/ l'ùva la dveinta most//
Quand l' acqua la vin in agost/ a piov di pom e dal most//
Chi sàpa la vida in agost/ l' impiss la canteina ed most//
Per aver al most/ sapa la vida in agost//
Per al Perdoun/ a s'metta la sàpa in d' un cantoun// (2 agosto)
Per San Dùne/ l' inveren l' è nee// (7 agosto)
Sa piov per San Dùne/ tutt l' ann l'è futunee//
San Lureins/ l'ùva tins// (10 agosto)
San Lureins da la gran calura/ prest al vin e poch al dura//
San Lureins da la gran calura/ San Bastian da la gran ferdura/ un e l' eter
poch i dura//
L' acqua ed San Lureins l' è a teimp/ per la Madona l' è incorra
bouna/ per San Burtlamè a m' fregh de drè//
Per San Burtlamè/ la rundaneina la n' ved dè// (24 agosto)
SETTEMBRE
Setember l' impiss al bot/ utòber al cura al most//
Chi era ed setember/ al fa un bel solch ma poch a render//
A la luna setembreina/ sett a s' n' incheina//
Se setember al g'ha poch sol/ utober a n'al vol//
Aria setembreina/ fresca la sira e la mateina//
Se in setember et seint truner/ bott e tinass và a preparer//
Sa piov per San Gorgòni/ l'è un avtun da demòni// (9
settembre)
Al veint ed San Matè/ al dura quaranta dè// (21 settembre)
Per San Matè/ al casador al selta in pè//
Per San Cosma e San Damian/ tutt i mel i stan luntan// (26 settembre)
Per San Michel l'ùva la dveinta mel// (29 settembre)
Per San Michel/ se l' angel a s' bagna agli el/ a piov fin a Nadel//
OTTOBRE
D' utòber in canteina/ sira e mateina//
In utòber al sol ed giuvidè/ fa piover dmenga//
Per San Fransesch/ la nos in dal sest// (4 ottobre)
Per Santa Giusteina/ l' ùva l' è berzameina// (7 ottobre)
Sa piov per San Gal/ a piov fin a Nadal// (16 ottobre)
Sa piov per San Gal/ semna a l' elta e minga a vall//
Per San Lùca/ chi n'ha semne se splùca// (18 ottobre)
Per San Lùca/ cheva la reva e met la sùca//
O moj o sutt/ per San Lùca semna tutt//
Chi vol aver un boun ajoun/ al la mèta a San Simoun// (28 ottobre)
Per San Simoun/ al gal al s' fa capoun//
Per San Simoun/ bùta via al sestoun//
NOVEMBRE
Se a nuvember te n' e aree/ tutt l' ann a s' n' è andee//
In nuvember/ tre fumani i fan un' acqua//
Se in nuvember a tira al troun/ per al frumeint al s'rà un ann boun//
Nuvember zle/ guai al semne//
Per i Sant/ tabar e guant//
L' ìste ed San Martein/ la dura tri dè e un pcunsein// (11 novembre)
Da San Martein a Nadel/ ogni puvret stà mel//
Per San Martein/ castagni e vein//
Per San Martein/ a s' tasta tutt i vein//
Per San Martein/ al most al dveinta vein//
Chi vol fer un boun vein/ al poda e al sapa per San Martein//
Per San Martein/ a s' imberiega al grand e al cinein//
Chi n' ha semne a San Martein/ al g' ha la speransa dal puvrein//
Per Sant' Umuboun/ o neva o teimp boun// (13 novembre)
Per San Clemeint/ l' inveren al mett i deint// (23 novembre)
L' iveren l' è al paradis di sgnor/ al purgatori di vecc'/ l'inferen
di puvrett//
Per Santa Catireina/ giaza l' acqua in dla cuseina// (25 novembre)
Per Santa Catireina/ o ca ne neva o ca brèina/ o ca vin la pagiareina//
Per Sant' Andrea/ ciapa al porch per la sea// e s'te n'al vò ciaper/
lassl' ander fin a Nadel//
(30 novembre)
DICEMBRE
Sa piov al dè ed Santa Bibiana/ a piov quaranta dè e na stmana//
( e aggiungevano ) S'la g' ciàpa a g'paghem al siall// (2 dicembre)
Per Santa Lucia/ um pè de stria// (13 dicembre)
Santa Lucia/ la nott più lunga ca se g' sia//
Da Santa Lucia a Nadel/ al vilan masa al maiel//
Boun Nadel/ cativa Pasqua//
Per Nadel/ un pass d' agnell//
Per Nadel/ un pe' d' nimel//
Per Nadel/ un sbater d' el//
L' è mej veder al lov in dal pùler/ che al sol per Nadel//
Per Pasqua e per Nadel/ ogni galeina al so puler//
Per Nadel a ca' di so/ per Pasqua da chi s' inbatt// per Carnevel a ca' di
matt//
Per Nadel con i to/ per Pasqua con chi t'vo'//
Per Pasqua e per Nadel/ tutt i vilan i spianen quel//
Per San Tmes/ al de' al se slunga da la bòca al nes// (29 dicembre)
Per San Tomè/ ciapa al porc per i pe'//
METEREOLOGIA IN PROVERBI
Guerda al prim/ guerda al second/ guerda al mes cuma l' è tond//
Srein ed nott/ l' impiss i foss//
Srein d' inveren, nuvel d' istè, amor ed donn e caritè di free/
e gl'in quater cos ca n'g' va badee//
Teimp ech lus/ acqua produs//
Quand al nuvli i van in sù/ tò la scrana e sedeg' sù//
Quand al nuvli i van in sò/ tò al sov e mett'l al bò//
Quand al nuvli i van a sìra/ tò la ròca e fila//
Quand al nuvli i van a dman/ ciapa al sac e và a gran//
Quand al nuvli in fati a pan/ sa n' piov inco a piov edman//
Rundaneina a bass a bass/ prest a vin un sguass//
Nebia bàsa/ bel teimp la làsa//
Se l' aria l' è rossa/ o ca pìssa o ca sòppia//
Aria rossa di sera/ bel teimp a se spera//
Prìma al veint e po' la breina/ acqua in tera la mateina//
Sòtta la neva pan/ sott a l' acqua fam//
Dla neva insìma a la foja/ te n' ti n' chev brisa la voja//
Quand la neva la vin arsana/ a n' in vin per 'na stmana//
La neve a Sant' Andrea si aspetta/ se non a Sant' Andrea, a Natale/ Se non
a Natale, più non l'aspettare//
Quand al sol l'è fatt a lana/ a piov deinter la stmana//
Sa piov a mesdè/ a piov per tutt al dè//
Quand al sol a l' svolta indree/ bela mateina a gh' tin adree//
Quand al sol a l'va in dal sacc/ sa n' piov, a gh'è atach//
Quand a piov e ca gh' è al sol/ l' è al dievel ca fà
l'amor//
Quand al gall al canta in dal pulèr/ s'l'è bel teimp a s'vol
guaster//
Quand al gall al canta in dl' ora dal disner/ s'l' è bell teimp a l's'pol
cambier//
Al sol in giuvidè/ fa piover in dmenga//